Galeoska no Museo da Historia de Lugo

Phenia refire ás emocións aos estados da mente, ás implicacións emocionais que unha obra de arte agocha.

O termo " Quadrophenia" foi acuñado polo grupo de rock The Who, a través dun xogo fonético os artistas de Galeoska empregan esa expresión para dar título a esta mostra colectiva onde a pintura e a escultura se fusionan con visións diverxentes da realidade galega. Trátase dun percorrido polos iconos culturais, fauna e flora galega e os oficios tradicionais que perviven no sentir colectivo que nos identifica. Así como rememoranzas oníricas, evocación aos nosos antergos, e ao camiño universal e espiritual que simboliza o camiño de Santiago.

Galicia é peregrina cara dentro e cara fóra, e terra de emigración e de confluencia cultural, é aldea plural moitas veces resistente ao progreso.

Nesta escolma artística podemos ver obras de Luísa Paz, Sergio Ribeiro, Loli España, Castrolara, J.R. Domato e Bugallo.

Unha cadrofenia discordante como son os estados mentais e as emocións tan diverxentes manifestadas en cada un de nós. Esta mostra estará exposta no MIHL de Lugo ata o vindeiro 27 de setembro. Luisa Paz, Castrolara, Loli España, J.r. Domato, Martina Bugallo e Sergio Ribeiro son os artista do grupo Galeoska que participan na mostra.